Ish-kryeministri i Shqipërisë do të nisë javën me një gëzim. Kjo e hënë është një ditë e veçante për ish-kryeministrin Sali Berisha dhe ish-liderin e Partisë Demokratike.
Një ditë pasi fejoji të birin, Shkëzenin me Armina Mevlanin, Berisha do të ndajë me familjen dhe miqtë e tij dhe një gëzim tjetër.
Ditën e sotme, Berisha feston ditëlindjen e tij dhe mbush plot 74 vjeç.
Ai ka lindur në 15 tetor të vitit 1944 në Viçidol të Tropojës. Ndonëse në këtë moshë, për Berishën vlen të thuhet se mosha është thjesht një numër, pasi ish-kryeministri kryen aktivitete sportive si notimi dhe ecje apo ngjitje në male.
