Brono Makri 21 vjeç është arrestuar nga policia për kalim të emigrantëve të paligjshëm në kufi.
Siç mësohet i riu nga Gjirokastra u kap duke transportuar 3 shtetas të huaj ilegalisht.
Njoftimi i policisë
Vijon puna për goditjen e rasteve të trafikut të klandestinëve.
Arrestohet në flagrancë një shtetas.
Nga Specialistët për Hetimin e Trafiqeve dhe Narkotikëve në Drejtorinë Vendore të Policisë Gjirokastër, në bashkëpunim me forcat e posaçme “Shqiponja”, në vijim të punës për parandalimin dhe goditjen e trafikimit të klandestinëve nga vendet e treta, që hyjnë në territorin shqipëtar në mënyrë të paligjshme, u bë arrestimi në flagrancë i shtetasit:
– Bruno Makri, 21 vjeç, banues në Gjirokastër.
Arrestimi i këtij shtetasi u bë pasi në aksin rrugor Gjirokastër–Kakavie, në vendin e quajtur Kordhocë, u kap në flagrancë duke transportuar me automjetin tip “Mercedes-Benz”, me targa AA 268 AL, tre shtetas të huaj nga vendet MENA.
Materialet i kaluan Prokurorisë pranë Gjykatës së Shkallës së Parë Gjirokastër për veprime të mëtejshme, neni 298 i Kodit Penal.
