Është ndarë nga jeta ish-deputeti i partisë demokratike, Ismet Ferizaj pas një beteje me një sëmundje të rëndë.
Njoftimin e kanë dhënë vetë të afërm dhe miq të tij të cilët shkruajnë mesazhe ngushëllimi në rrjetin e tij social facebook. Varrimi i të ndjerit zhvillohet sot në ora 18:00 në qytetin e Kavajës lagjia nr2 përballë stadiumit Besa.
Ismet Ferizaj ishte deputeti demokrat, për qytetin e Kavajës. Ai ishte një ndër themeluesit e Partisë Demokratike në vitet 1992-1997. Ismet Ferizaj kishte marrë titullin e lartë “Qytetar Nderi” i Kavajës nga Bashkia e Kavajës.
Ai ka qenë dhe drejtor i shkollës “3 Dëshmorët” si dhe themelues i shtypshkronjës së parë në Kavajë “Gutenberg”.
