Atletja Luiza Gega nuk ka zhgënjyer me performancën e saj në kampionat.
Ajo është kualifikuar për në finalen e garës së 3000 metrave me pengesa në Kampionatin Europian të Atletikës. Gara do të mbahet ditën e diel në Berlin (ora 20:55).
Kampionia shqiptare me medalje ka garuar në bateritë eliminatore të kësaj disipline, duke u renditur e dyta në Baterinë B.
Gega u rendit e dyta pasi arriti kohën prej 9’33”11, duke u renditur pas zviceranes Fabienne Schlumpf (9’32”32).
Janë 15 atlete që shkuan nga 33 pjesëmarrës ku mes tyre është edhe Luiza Gega. Një muaj më parë, atletja shqiptare mori medaljen e artë në Lojërat Mesdhetare po në këtë disiplinë.
