U vendos gjobë në vlerën 300.000 lekë si dhe u bllokua aktiviteti. Sezoni veror ka sjellë aksionin e Autoritetit Kombëtar të Ushqimit ndaj bizneseve të ndryshme.
Aksioni i radhës është në qytetin e Sarandës ku është ndalur me 40 kg qumësht të skaduar para 4 muajsh dhe 31 kuti me çaj sherebelë të skaudar para një viti.
Menjëherë u bë bllokimi i produkteve të skaduara dhe u mor masa administrative me gjobë në vlerën 200.000 lekë.
Këtë herë aksionet janë përqëndruar në atë të kontrollit të furgonave që furnizojnë lokalet dhe marketet, në qarkun e Vlorës por dhe më gjerë.
Gjithashtu, nga Drejtoria Rajonale AKU Vlorë ka nisur aksioni për kontrollin e të gjithë restoranteve që ushtrojnë aktivitetin në këtë qark.
Konkretisht nga kontrolli i trupës inspektuese të DRAKU Vlorë rezultoi se subjekti me aktivitet bar restorant ushtronte aktivitetin e tij në mungesë të kushteve higjieno-sanitare.
