Kryeministri Edi Rama sa herë që ka debate apo adresime ndaj temave të nxehta nuk harron të reagojë. Mesa duket, ai nuk e harron instiktin etij për të nxjerrë sa më mirë qeverinë.
Edhe pse ndodhet prej 1 Gushtit me pushime, ai nuk ka harruar të reagojë me postime në rrjetet sociale herë pas here. Postimi i radhës së kryeministrit është Vetting-u me rastin e gjyqtares Herila Çela.
Kujtojmë që Vetting-u është kritikuar ashpër nga opozita dhe shumë të tjerë si një proces jo i drejtë dhe i korruptuar.
Postimi i Ramës
“Ministria e Drejtësisë i kërkon KLD të nisë me urgjencë inspektimin për gjyqtaren Herila Çela dhe paralajmëron ndëshkimin e gjyqtarëve dhe prokurorëve, që s’kualifikohen nga Vetingu.
Vetingu mund e duhet ta pastrojë deri në fund llumin e mbështjellë me togën e zezë- në deklaratë për median zëvendësministri i Drejtësisë Toni Gogu”.
