Për të gjithë ata që humbën apo iu dëmtua dokumentacioni identifikues (pasaportë – kartë identiteti) gjatë zjarreve të 23 Korrikut në Athinën Lindore,shpenzimet do të mbulohen nga ambasada shqiptare në Athinë.
Njoftimin e ka bërë vetë ambasada ku shkruan se të gjitha shpenzimet do të mbulohen prej saj, ndërkohë që emigrantëve u kërkohet të nisin sa më shpejt procedurat.
Njoftimi i Ambasadës së Shqipërisë në Athinë:
Njoftojmë shtetasit shqiptarë të cilët humbën apo iu dëmtua dokumentacioni identifikues (pasaportë – kartë identiteti) gjatë zjarreve të 23 korrikut në zonat e Atikës Lindore, se të gjitha shpenzimet administrative për zëvendësimin e tyre do të mbulohen nga Ambasada e Republikës së Shqipërisë në Athinë.
Janë të lutur shtetasit e interesuar të drejtohen menjeherë për fillimin e procedurave të aplikimeve për dokumentat në fjalë pranë zyrës Konsullore të Ambasadës.
Për çdo informacion lutemi drejtohuni nr. të tel. 210-6876215.
