Personi që shihni në foto është Ervit Palaj, i cili u mbyt sot në plazhin e Velipojës në tentativë për të shpëtuar të fejuarën e tij.
29-vjeçari Palaj arriti të shpëtonte të fejuarën e tij, por nuk mundi të diltë vetë nga uji.
Ngjarja e rëndë ndodhi sot rreth orës 13:30, ku dy të rinjtë në rrezik kanë tërhequr vëmendjen e pushuesve të tjerë që u kanë ardhur në ndihmë dhe i kanë nxjerrë në breg.
Aty u kanë dhënë edhe ndihmën e parë nga personeli mjekësor i plazhit dhe më pas janë nisur për mjekim të specializuar, por 29 vjecari Palaj nuk arriti të mbijetojë.
Ervit Palaj ka punuar për një periudhë kohe tek Drejtoria e Shërbimeve Sociale në bashki, për njësinë administrative Dajç.
