Mesnatën e kësaj të premteje janë shënuar 3 tërmete të tjera, dy në harkun e 3 minutave në Adriatik dhe në zonën përreth Gjirit të Lalzit, konkretisht 49 dhe 51 minuta pas mesnatës dhe me magnituda 4.3 dhe 3.7, ndërsa lëkundja e orëve të para të mëngjesit është regjistruar në orën 5:51 me magnitudë 3.1.
Lëkundja më e fuqishme ka qenë ajo e rënë në Adriatik, por që është ndjerë nga qytetarët, pa shkaktuar gjithsesi dëme.
Lëkundjet sizmike që po prekin Shqipërinë po duken se do të vazhdojnë dhe pse eshte e vështirë të parashikohen. Prej dy ditësh, toka lëkundet ditë e natë, edhe pse magnitudat e këtyre të fundit kanë qenë më të ulëta sesa tërmeti që shkaktoi panik ditën e mërkurë në orën 11:01.
Ndërkohë, sizmologu Rrapo Ormeni duke folur për Fax Neës është shprehur se nuk do të ketë një tërmet tjetër të fuqishëm si ai i të paradites së të mërkurës.
