Policia italiane arrestoi një 40-vjeçar shqiptar me banim në Roseto degli Abruzzi të Italisë pasi në makinën me të cilën ai po udhëtonte iu gjetën 8 kg marijuanë.
Siç raportojnë mediat italiane, shqiptari ishte duke udhëtuar bashkë me familjen e tij, gruan dhe dy fëmijët e moshës 7 dhe 11 vjeç.
Pas kontrollit në bagazhin e makinës, policia i gjeti një qese të madhe e cila kishte 4 pako me lëndë narkotike. Pakot ishin të shënuar me numra 1,2,3,4 dhe përmbanin gjthësej 8 kg drogë.
Po ashtu policia i sekuestroi 850 euro dhe një telefon celular. Nëse do të hidhej në treg lënda narkotike do të kapte vlerën e 100 mijë eurove.
