Përmes një njoftimi, Autoriteti Rrugor Shqiptar njofton se grafiku i punimeve për fazën e pestë të rehabilitimit të segmentit rrugor “Durrës-Tiranë” nuk mund të arrihet sipas parashikimit dhe njoftimit të dhënë më herët për shkak të reshjeve të shiut.
Sipas ARRSH, aktualisht Ura e Dajlanit-Shkozet vazhdon të jetë e bllokuar dhe do të përfundoje brenda ditës së sotme. Segmenti rrugor Mbikalimi i Shkozetit – Sukth, (drejtimi Durrës-Tiranë) aktualisht është i hapur për përdoruesit e rrugës.
Autoriteti Rrugor Shqiptar bën me dije se në orët e mëvonshme do të bëhet një njoftim të dytë për vazhdimin e punimeve në ditën e nesërme dhe më tej.
Kujtojmë se Ministri i Infrastrukturës, Damian Gjiknuri, deklaroi në nisje të punimeve se do të punohet çdo ditë 24 orë për ristrukturimin e autostradës Tiranë-Durrës me qëllim që të përfundojë në fund të qershorit.
