Dënohen babai dhe vajza e tij me burg pasi u bënë ura kaluese 9 personave, 8 prej të cilëve ishin shqiptarë për në Mbretërinë e Bashkuar.
Baden Williams, 47-vjeç u dënua me 5 vjet dhe 6 muaj burg. Vajza e tij Latasha Perry, 27 vjeçe u dënua me 4 vjet heqje lirie. Me vendimin e gjykatës Canterbury në Britani, më 8 Qershor, të dy u shpallën fajtorë me motivimin e krijimit të kushteve për emigracion të jashtëligjshëm.
Ata po udhëtonin qetësisht duke pretenduar se po riktheheshin nga një fundjavë e gjatë, të cilën e kishin kaluar në veri të Francës. Williams ishte në timon, ndërsa Perry qëndronte e ulur në anën e pasagjerit. Pikërisht atë ditë, më 1 Maj të vitit të shkuar ata u kontrulluan nga oficerët e kufirit në një zonë kontrolli në Coquelles të Francës, përpara se të futeshin në Tunel duke u kapur në flagrancë për veprimin e paligjshëm.
