Një ngjarje e rëndë ka tronditur Greqinë disa ditë më parë, pasi një djalë shqiptar pranoi se kishte vrarë babanë e tij.
26-vjeçari ka dalë sot përpara gjykatës dhe ka dëshmuar se e ka vrarë babain e tij, pasi ky i fundit abuzonte seksualisht me atë dhe motrat e vëllezërit më të vegjël nga martesa e tretë.
Pas daljes nga gjykata, i riu shqiptar është hasur me disa njerëz që e duartrokisnin për veprimin që kishte bërë. Përreth tij vërshonin thirrjet: “Të lumtë!”, “Bravo!”, “Ne jemi me ty!” dhe “Ne jemi krah teje!”
Përkrahësit e tij thanë përpara kamerave se 26-vjeçari është njeri shumë i mirë, me një karakter që nuk shqetëson kurrë dhe as provokon tensione në shoqëri.
