Dy persona kane mbetur të plagosur si rezultat i një aksidenti rrugor të regjistruar në orët e pasdites së sotme në Shkodër. Tre automjete janë përplasur me njëra-tjetrën në zonën e Kryebushatit.
Të plagosurit janë dërguar në spitalin e Shkodrës për ndihmën e parë mjekësore.
Mësohet se në aksident është përfshire edhe myftiu i Malësisë së Madhe, Edmir Smajlaj. Ai nuk ka pësuar lëndime, ndërsa bashkëshortes së tij po i jepet ndihma në spitalin e Shkodres, jashtë rrezikut për jetën.
Policia e mbërritur në vendngjarje nis hetimet për shkaqet e aksidentit.
