Nga Parlamenti Europian, Kryeministri Edi Rama u ka kërkuar vendeve të Bashkimit Europian të hapin negociatat për anëtarësim me Shqipërinë, duke u kujtuar se Tirana nuk po kërkonte dhurata apo favore, por e diçka që e meriton.
“Shqipëria nuk po kërkon ndonjë dhuratë, nuk po kërkon ndonjë favor që nuk e meriton. Po kërkojmë thjeshtë hapjen e negociatave sepse kemi bërë të gjitha detyrat e shtëpisë një e nga një. Ne e bëjmë se e është e mirë për vendin tonë, por edhe sepse duam të marrim dritën e gjelbër për hapjen e negociatave”, tha Edi Rama gjatë takimit me “Miqtë e Shqipërisë në Parlamentin Europian”, “duke folur me vete”, pas mos artikulimit nga ndëkrombëtarët, të këtyre frazave.
Edi Rama tha se çelja e negociatave me Shqipërinë “nuk është krijimi i një problemi të ri potencial, por i një kapitulli që do ta bëjë Europën më të fortë sepse edhe Ballkani ka nevojë për Europën, edhe Europa ka nevojë për Ballkanin. O do të jemi Europë, ose të tjerët do të jenë një shqetësim për Europën”.
“Qysh prej 2014-ës ku kemi një ndryshim rrënjësor për të bashkëpunuar për të ardhmen, dhe për ta sjellë të gjithë rajonin në një nivel tjetër respekti të ndërsjellët. Ashtu siç e tha Presidenti, është një rajon ku kemi kaluar luftëra, rajon i cili ka një staturë komplekse besimesh fetare, ku aktorë të tjerë kërkojnë të ndërhyjnë me një vizion të qartë gjeostrategjik. Ajo që është arritur duhet të mbrohet dhe të përforcohet që e ardhmja nuk do të na kthejë fantazmat në të shkuarën”.
Rama tha se Europa është një fe në rajonin tonë që mbledh dhe bën bashkë gjithkënd në rajon.
Rama tha se Reforma ën Drejtësi dhe Vetting-u po jep rezultatet e para pasi deri më tani, “17 pesha të rënda të sistemit të vjetër nuk kanë hyrë në procesin e Vettig-ut, pra janë tërhequr, duke përfshirë ish-kryeprokurorin e përgjithshëm”.
https://www.facebook.com/edirama.al/videos/10155666307971523/
