Një tjetër tentativë grabitje pike këmbimi valutor ka ndodhur. Këtë herë ngjarja ka ndodhur në Fushë Krujë, rreth orës 02:00 të mëngjesit të sotëm.
Burime zyrtare nga policia thanë se, gjatë natës në Fushë Krujë, persona të paidentifikuar kanë tentuar të vjedhin pikën e këmbimit valutor në pronësi të shtetasit me inicialet L. Ç.
Grabitësit kanë dëmtuar qepenat, por nuk kanë mundur që të futen brenda për të vjedhur paratë.
Ka qenë pronari i pikës së këmbimit që ka njoftuar policinë. Këta të fundit kanë nisur hetimet dhe po punohet për identifikimin dhe kapjen e autorëve.
