Një tërmet tjetër goditi këtë pasdite një pjesë të Shqipërisë në veri të vendit. Tërmeti me magnitutë 3.6 ballë, sipas IGJEUM, goditi në orën 16:36:12, me qendër afro 11 km në verilindje të Lezhës.
Ndërkohë që pak më herët, rreth orës 15:04 u shënuan lëkundjet e një tërmeti me magnitutë 4.2 me epiqendër mes qytetit të Lezhës dhe Rubikut në orën 15:04:16.
Në të dy rastet, nuk ka pasur raportime për të lënduar apo dëme materiale.
