Rreth orës 23:50, të natës së kaluar, në lagjen “Salo Halili”, në Shkodër, në qepenin e garazhit të banesës, në pronësi të S. K. 62 vjeç, është vendosur lëndë plasëse dhe ka shpërthyer. Nga shpërthimi nuk ka të lënduar, por vetëm dëme materiale.
Nga verifikimet e para dyshohet se shkak i kësaj ngjarje janë konfliktet që djali i tij F. K. ka me persona të ndryshëm për shkak të borxheve që u ka.
Policia ka shoqëruar 8 persona të cilët po pyeten në lidhje me ngjarjen. Po sigurohen pamjet filmike të bizneseve të ndryshme në afërsi të vendit të ngjarjes. Vijojnë hetimet për sqarimin e rrethanave dhe zbardhjen e plotë të ngjarjes.
