Në Prokurorinë e Përgjithshme do të realizohet ditën e sotme një rrokadë, teksa Adriatik Llalla pas 5 vitesh në detyrë do të lirojë zyrën e tij për Prokuroren e Përgjithshme të Përkohshme, Arta Marku. Ajo u zgjodh ditën e djeshme mes tymit dhe kaosit në Kuvend, me 69 vota të deputetëve të mazhorancës. Ndërkohë Llalla që prej orës 09:30 ndodhet në zyrën e tij në Prokurorinë e Përgjithshme. Arta Marku, zgjedhja e së cilës u cilësua një “puç kushtetues” nga opozita, vetëm pak minuta më parë është paraqitur nën shoqërimin e Gardës së Republikës, në ambientet e Prokurorisë, ku do t’i dorëzohen çelësat nga Llalla.
