Ministri i Drejtësisë së Italisë, Andrea Orlando dha sot një konferencë të përbashkët për shtyp me homologen e tij shqiptare, Etilda Gjonaj, ku u pyet mbi pritshmërinë nga drejtësia shqiptare për dosjen Tahiri-Habilaj. Orlando tha se ai nuk e gjykon dot punën e magjistraturës.
“Unë nuk i komentoj veprimet e magjistraturës italiane, aq më tepër veprimet e magjistraturës shqiptare. Detyra jonë, funksioni ynë është që shkëmbimet ndërmjet magjistraturave të zhvillohen sa më mirë dhe jo të gjykojmë në vend të gjyqtarëve apo të hetojmë në vend të prokurorëve. Nuk mund të bëjmë detyrën e tyre.”
