Informacionet më të fundit që vijnë nga Vlora dhe Fieri, flasin për 3000 ha tokë bujqësore të mbuluar nga uji në Ferras, Frakull dhe Cerven, si pasojë e daljes nga shtrati të lumit Vjosë. Gjendja në këtë zonë paraqitet edhe më e rëndë se në vitin 2015. Në këto zona janë evakuuar 68 familje ndërsa bagëtitë janë evakuuar që prej pasdites së të premtes. Shtabi i emergjencave në prefekturën e Fierit njofton se prurjet do të vazhdojnë, ndërsa në mesditë ato do të shënojnë kulmin e tyre. Fshati Ferras po përjeton një katastrofë të vërtetë, teksa është bllokuar edhe qarkullimi, ndërsa operacionet e forcave të armatosura për t’u ardhur në ndihme banoreve në rrezik vazhdojnë nga ajri dhe toka.
https://youtu.be/tIRxc57l5MU
