Kreu i Partisë Demokratike, Lulzim Basha me anë të një postimi në Facebook, pas zhvillimit të homazheve për kompozitorin Aleksandër Lalo, ka nderuar figurën e “Mjeshtrit të Madh”. Basha thotë se arti shqiptar humbi një nga krijuesit më të mëdhenj të tingujve.
Postimi i Lulzim Bashës:
Një lamtumirë e parakohshme për Mjeshtrin e tingujve Aleksander Lalo. Arti humbi kompozitorin që krijoi çdo tingull me dëshirë dhe pasion. Artistët humbën avokatin kurajoz të të drejtave të tyre. Ne humbëm mjeshtrin virtuoz me muzikën e të cilit u rritën dhe u dashuruan brezat për disa dekada. Lamtumirë Maestro! “Tingujt e harresës” nuk do të luhen kurrë për ty!
