Vlonjati 19 vjeçar është arrestuar ditën e djeshme në Ferrara. Karabinieret sekuestruan gomonen me 2 ton drogë. Roland Rapi quhet shqiptari nga Vlora që u arrestua, ndërsa u shpallën në kërkim edhe tre persona të tjerë. Sasia e drogës ishte ngarkuar në dy furgonë dhe bëhej fjalë për 2 ton marijuanë, një pjesë në sasi të ngurtë e një pjesë në sasi të lëngshme. Nëse kjo superngarkesë do të ishte hedhur në treg, prej saj do të përfitoheshin 20 milionë euro kesh.
