Nga shërbimet e Policisë Kufitare, dje, më datë 13. 10. 2017, u godit një tjetër rast i tentativës për trafikim të lëndëve narkotike ku u arrestuan në flagrancë Maradona Bega, 23 vjeç, banues në lagjen Nr. 1, Tiranë dhe Dornela S., 26 vjeçe, banuese në Tiranë.
Arrestimi i tyre u bë pasi në dalje nga territori Republikës së Shqipërisë, në PKK Muriqan në mjetin tip “Benz”, me targë AA 479 HM, në pronësi të Maradona Bega, shërbimet e Policisë Kufitare gjatë kontrollit konstatuan të fshehur dhe sekuestruan në cilësinë e provës materiale 21 kilogramë lëndë narkotike “Cannabis Sativa”.
Materialet i kaluan Prokurorisë për Krimet e Rënda Tiranë, për veprën penale të “Trafikim i narkotikëve” kryer në bashkëpunim i mbetur në tentativë, parashikuar nga neni 283/a/2 e 22 i Kodit Penal.
