Basha: Nga nesër nisim tur kundërshtues, rritja e TVSH çmenduri me prapavijë klienteliste

Kryetari i PD-së Lulzim Basha ka njoftuar sot nisjen e një turi në vend kundër rritjes së TVSH-së.
Në një bashkëbisedim me gazetarët, Basha deklaroi se rritja e TVSH do të çojë në rritjen e çmimeve të konsumit që nga janari.
“Nesër dhe unë me PD do të nisim një tur për rritjen e TVSH. Ne e konsiderojmë një çmenduri në kushtet e gjendjes ekonomike të vendit, nga njerëzit që e kanë shkaktuar me një prapavijë klienteliste duke shkelmuar biznesin e vogël. Sipas këndvështrimit tonë janë tre gjëra: Do të rriten çmimet anembanë vendit, e sigurt është që prej janarit çmimet e konsumit do të rriten. Kjo ndodh kur 30% e shqiptarëve nuk paguan dot shportën e ushqimeve bazë. Interesi i njerëzve duket se është i fundit.