Durim Keçi u arrestua dje në qytetin e Durrësit gjatë një operacioni nga Drejtoria e Krimit të Organizuar.
Durim Keçi është dënuar në Itali me 9 vite burg për një sërë veprash penale si armëmbajtje pa leje, trafik droge dhe shkatërrim prone.
Por kreu i Partisë Demokratike Lulzim Basha hodhi akuza të forta sot në emisionin “Opinion” duke thënë se kryeministri Edi Rama ka ndërhyrë personalisht për ta hequr nga sistemi i Interpolit Durim Keçin.
Basha tha se Rama e përdori Keçin për të fituar zgjedhjet, dhe e vendosi sërish në sistem për ta arrestuar vetëm dy ditë përpara se të shkonte në Itali ku u takua me homologun Gentilioni. Kreu i PD-së ka treguar edhe disa foto të Keçit me ministrin Blendi Klosi dhe strukturat e PS-së.
