Një ngjarje e pakëndeshme ka ndodhur mbrëmjen e kaluar, ku janë përfshirë deputetët shqiptarë. Në mes të emisionit ka plasur grushti. Raportohet se deputeti i Lëvizjes Vetëvendosjes, Frashër Krasniqi, është në paraburgim pasi mbrëmë në një debat televiziv qëlloi me grushta deputetin e Nismës, Milaim Zeka. Lajmin e ka konfirmuar zëdhënësja e policisë për rajonin e Prishtinës, Flora Ahmeti. Ajo tha se me urdhër të Prokurorit, deputeti i VV-së gjendet në paraburgim.
“Me urdhër të prokurorit Krasniqi është në paraburgim për shkaktim të lëndimit trupor”,-ka thënë Ahmeti.
Ajo tha se për këtë ngjarje do të japin një informacion më të detajuar.
