Shefi i qarkullimit të Mirditës deklaroi sot në mediat e Tiranës se beson se nuk ka qenë shënjestër e atentatit që ka ndodhur sot në orët e para të mëngjesit, kur shtëpia e tij u qëllua me breshëri automatiku.
I pyetur nga Ora Neës, Gjovalin Toma deklaron se “nuk ka konflikte”, ndërsa nënvizon se një mundësi është edhe “ngatërrimi i shënjestrës”.
Persona ende të paidentifikuar kanë qëlluar me automatik në drejtim të banesës së shefit të qarkullimit të Mirditës Gjovalin Toma rreth orës 01:43 të mëngjesit të së shtunës . Fatmirësisht nga të shtënat me armë nuk ka të lënduar pasi familjarët kanë qenë në gjumë. Plumbat kanë goditur muret e shtëpisë por dhe dritaret. Ndërkohë dy plumba kanë depërtuar duke hyrë në kuzhinën e bamesës.
Në momentin kur autorët kanë qëlluar drita e kuzhinës ka qenë e ndezur, kjo tregon se autorët kanë menduar se mund të ketë pasur njerëz që kanë qenë ende zgjuar.
