Shqiptari që vrau ish-bashkëshorten e tij është rrëfyer në polici dhe ka pranuar krimin. Ngjarja e rëndë ndodhi dy ditë më parë në komunën Casale të Italisë.
Kujtim Hasanaj 49 vjeç po debatonte me ish-bashkëshorten në banesë para se ta qëllonte me thikë.
“Është gruaja ime, e vrava unë”.
Kështu u ka thënë 49-vjeçari karabinierëve duke pranuar krimin.
Gjatë marrjes në pyetje ai pranoi se shkak kanë qenë konfliktet me 48-vjeçaren, e cila i kishte kërkuar divorcin.
Hasanaj pretendonte se gruaja e tij rumune Elena Seprodi e kishte tradhtuar dhe më pas ata ishin ndarë. Përveç divorcit, shkak i mosmarrëveshjes mes tyre kanë qenë edhe çështjet ekonomike. N
ë kulmin e debatit, 49-vjeçari mori thikën dhe e goditi për vdekje. Krimi ndodhi në banesën e Kujtim Hasanaj, jo shumë larg një stacioni policor ku ai po kryente një kurs trajnimi për policinë lokale, raportojnë mediat italiane.
Karabinierët u njoftuan nga fqinjët, të cilët dëgjuan të bërtiturat e gruas. Sapo hynë në shtëpi, ata gjetën 48-vjeçaren të shtrirë përtokë të mbuluar me gjak dhe pranë tij qëndronte shqiptari me thikë në dorë. Ai nuk bëri rezistencë në momentin e arrestimit.
DETAJE & FOTO/ Vrau gruan e tij rumune, fjalët e para të shqiptarit
