Autoritetet e Zvicrës janë vënë në alarm pasi një shqiptar është arratisur nga burgu.
Sipas mediave lokale bëhet fjalë për shtetasin Bashkim L., 35 vjec nga Kosova, i dënuar për vrasje dhe me rrezikshmëri të lartë.
35 vjeçari është arratisur gjatë natës mes së premtes dhe të shtunës së javës së kaluar nga burgu qendror i Friburgut në Zvicër.
Policia e Friburgut i ka kërkuar sot qytetarëve ndihmë për informacione nëse e shikojnë të arratisurin.
Sipas policisë, me shumë gjasa ai është jetë larguar nga Zvicra dhe ka mbërritur në Kosovë.
Bashkim L., ishte dënuar në vitin 2013 për vrasjen e një shqiptari nga Kosova, por që jetonte në Itali, pas përplasjeve për kontrollin e territoreve të shitjes së drogës.
