Policia italiane kapi sot një ngarkesë mbi 1 ton me kanabis që po trafikohej nga dy skafistë shqiptarë.
Policia e shtetit bën me dije se në pranga kanë përfunduar shtetasit Rr.A 30 vjeç dhe A.I 44 vjeç.
Operacioni i perbashket i Policise se Shtetit dhe Guadia di Finanza çoi në kapjen e gomones me 1 ton e 185 kilogramë lëndë narkotike marijuanë në orët e para të mëngjesit ne Itali.
Policia e Shtetit në bashkëpunim me Guardia di Finanza të Pulias, kanë ndjekur në dinamikë gomonen në ujërat ndërkombëtare deri në afërsi të Termolit ku edhe është bllokuar nga njesia ROAN e GdF, e Termolit.
Gomonia me gjatësi 7.5 metra është bllokuar në orët e para të datës 23 korrik dhe në bordin e saj u gjetën dhe u sekuestruan 1ton 185 kg marijuanë.
Policia thekson se për shkak të sekretit hetimor, rezervohen të dhëna të mëtejshme në lidhje me origjinën dhe pikënisjen e gomones, duke theksuar se trafikantët janë duke shfrytëzuar rrugë alternative, jo më nga territori dhe ujerat shqiptare drejt Pulias, por në pjesën e sipërme te Adriatikut drejt Abrucos.
