Klubi i Kukësit ka mohuar të jetë ndaluar ndonjë prej pjesëtarëve të tyre dje në Vjenë.
Nëpërmjet një postimi në faqen zyrtare të Facebook-ut, kampionët e Shqipërisë kanë bërë me dije se skuadra ishte e gjitha në hotel dhe se ishte gati që sot të nisej drejt Moldavisë. Natyrisht, nuk kanë dhënë detaje dhe as kanë përdorur emra konkretë për ngjarjen, por thjesht e kanë mohuar atë.
Postimi i plotë i Kukësit në “Facebook”
Ju përshëndesim me një foto jashtë hotelit ku është akomoduar ekipi. Fotoja nuk është e qartë, pasi po bie shi në kryeqytetin e Austrisë, aty ku po kalon natën edhe ekipi. Sot do të jetë nisja për Moldavi. E përsërisim që skuadra po kalon natën në Vjenë, çdo informacion dhe lajm tjetër është i gabuar.
