Aksioni i OSHEE në Vlorë në 12 orët e fundit ka regjistruar tre raste të vjedhjes së energjisë.
Dy raste janë rilidhje e paligjshme, ndërsa rasti i tretë u kap gjatë natës, pronari i një restoranti të njohur në Dhërmi duke vjedhur energji me linjë të dytë.
Ne 24 orët e fundit, OSHEE Vlorë ka proceduar penalisht 5 raste, ku tre janë biznese ndërtimi dhe restoranti.
“Aksioni është i përqendruar natën, ku vjedhësit hedhin grepat duke u furnizuar abuzivisht, madje dëmtojnë linjat”, thanë burimet zyrtare nga OSHEE.
Sipas tyre, aksioni është duke vazhduar edhe gjatë ditës së sotme.
