Një zjarr i madh rrezikoi 3 banesa, 3 stalla dhe dhjetëra bagëti, në fshatin Reç i Ri në Velipojë.
Kanë qenë vetë banorët që fillimisht kanë ndërhyrë me mjete rrethanore dhe më pas kanë mbërritur zjarrfikëset.
Një prej zjarrfikësve ka rrezikuar ndjeshëm pasi është rrethuar nga flakët dhe tymi.
Shoferi Ramiz Berhanxhia është asfiksuar për momentin por ka arritur që të shpëtojë dhe nuk ka pësuar dëme por vetëm një helmim të momentit. Falë ndërhyrjes së banorëve dhe zjarrfikësve të tjera është arritur që zjarri të neutralizohet.
Banesat dhe banorët janë rrezikuar ndjeshëm sepse flakët janë afruar deri në 3 metra pranë tyre.
EMRI/ Shkodër, zjarri rrezikon 3 banesa, asfiksohet zjarrfikësi
