Shërbimet e Komisariatit të Policisë Shkodër në bazë të informacioneve të marra në rrugë operative bënë arrestimin në flagrancë të Briken Tuzi, 26 vjeç, banues në lagjen 10 Korriku, Shkodër.
Ky person udhëtonte me automjetin tip BMW me targë AA 009 PH, ku pas kontrollit të ushtruar në automjet nga shërbimet e Policisë, iu gjet dhe u sekuestrua në cilësinë e provës materiale një armë zjarri Pistoletë e llojit “Browning”, të kalibrit 7.65 mm.
Materialet i kaluan Prokurorisë së Rrethit Gjyqësor Shkodër për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit”, parashikuar nga neni 278 i Kodit Penal.
EMRI & FOTO/ Shkodër, qarkullonte me armë zjarri në makinë, arrestohet në flagrancë i riu
