QSUT ka bërë njoftimin publik lidhur me numrin e personave që u paraqitën në spital përgjatë orëve të para të mëngjesit. Në një deklaratë për shtyp thuhet se 76 persona u paraqitën në spital për të marrë mjekime pas shqetësime alergjike apo helmimi që ata kishin shfaqur.
Simptomat shpreheshin me sy të skuqur dhe lëkurë të skuqur, kruejtje të syve dhe lotim.
Personat janë paraqitur që nga orët e para të mëngjesit të sotëm dhe kanë vijuar deri në 11 të paradites së sotme.
Sipas spitalit, të gjithë pacientët kishin marrë pjesë në mitingun e opozitës. Ndersa 5 prej tyre po mbahen ne observacion nga mjeket.
