Specialistët e Sektorit Kundër Narkotikëve në Drejtorinë Vendore të Policisë Elbasan bënë arrestimin në flagrancë të shtetasit Alfonc Qosja, 23 vjeç banues në fshatin Orenjë Librazhd.
Arrestimi i tij u bë pasi gjatë kontrollit të ushtruar në oborrin e banesës së tij në fshatin Orenjë u gjet e kultivuar një rrënjë bimë narkotike që u asgjësua nga efektivat e policisë. Grupi hetimor gjatë kontrollit të banesës së tij gjeti dhe sekuestroi në cilësinë e provës materiale:
6 kg e 300 gr lëndë narkotike e dyshuar Cannabis Sativa
Një armë zjarri pushkë model 63
83 copë fishekë model 56
25 copë fishkë model 54
3 copë fishkë armë gjahu
2 krëhera pushke model 63
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale ”Prodhimi dhe shitja e narkotikëve”, “Kultivimi i bimëve narkotike” dhe “Prodhimi dhe mbajtja pa leje e armëve luftarake dhe e municionit”, parashikuar nga nenet 283/2,284 dhe 278 të Kodit Penal.
