Basha: Në 25 qershor përmbysim fushën e shahut

Kreu i demokratëve, Lulzim Basha, në fjalën e tij në mitingun hapës të fushatës eletkroale, tha midis të tjerave se se bashkë me ekipin e tij dhe aleatët do ta nxjerrë vendin nga kriza ku e ka zhytur Republika e Vjetër.
“Mua më pëlqen palma, është pemë e bukur, sidomos në verë se bën hije. Pavarësisht se palmat e Edi Ramës janë tharë. Por të pëlqejnë palmat dhe të harxhosh paratë e shqiptarëve për të blerë palma janë dy gjëra të ndryshme. E para është çështje shijesh, e dyta është krim i rëndë. Bashkë me ekipin kemi një plan për të nxjerrë vendin nga kriza e rëndë ku ndodhet”, u shpreh kreu i PD.
Basha paralajmëroi kundërshtarin e tij politik se ajo që ai e quan lojë shahu do të marrë fund me 25 qershor.
“Edi Rama e quan politikën, lojë shahu. PO shqiptarët cfarë janë, gurë shahu?  Loja merr fund me 25 qershor, tryeza e shahut përmbyset me 25 qershor, ju do ta keni në dorë, shqiptarë merrni në dorë fatin tuaj.
Slogani i Partisë Demokratike për këto zgjedhje do të jetë “Republika e re, ekonomi e fortë, e nesërme e sigurt”.
DRONI.al