Një 38-vjeçar shqiptar dhe një grua nga Breshia, 50 vjeçe, janë vënë në pranga pasi do të fitonin një shumë prej 80 mijë euro nga shitja e lëndëve narkotike. Sasia prej 800 gr e drogës së llojit kokainë iu gjet cifitit në makinën e tyre.
Trafikantët janë arrestuar në dalje të autostradës në Breshia të Italisë, teksa lëviznin me një makinë tip “Fiat Bravo” dhe janë ndjekur për pak kohë nga efektivët e policisë.
Kur janë ndaluar, gjatë kontrollit në “Fiat Bravo” është gjetur dhe sasia prej 800 gr kokainë, e ndarë në disa paketime dhe e mbështjellë me celofan.
Gjykata e ka cilësuar të ligjshëm arrestimin e tyre, raportojnë sot mediat lokale. Identiteti i shqiptarit dhe as i gruas italiane nuk bëhen me dije, por raportohet se ata janë më precedentë të mëparshëm për trafik droge.
