Në një drekë me veteranë dhe familje dëshmorësh në “Ditën e dëshmorëve”, në një kohë që kryeministri Edi Rama nuk i kurseu ironitë, as Presidenti i zgjedhur i Republikës, Ilir Meta,nuk e la pa përgjigje.
“I jap fjalën presidentit të zgjedhur që për hir të së vërtetës, falë talentit të tij politik ka arritur të jetë përfaqësues i yni, por dhe përfaqësues i palës tjetër. Pala tjetër nuk e pohon, por as nuk e mohon. Kështu që jam i sigurt që do e pohojë pak më vonë.”-ka thënë Rama.
Meta shprehu mirënjohjen e thellë për sakrificën që njerëzit e asaj kohe bënë për çlirimin e vendit. Ai tha se falë tyre sot kemi cilës kemi ekzistencën e Shqipërisë, fitimin e lirinë dhe pavarësisë, por edhe kemi një Shqipëri anëtare të NATO-s dhe kandidate të BE-së.
“Falenderoj ish-bashkëkryetarin tim të aleancës pasi unë s’jam më, ai vazhdon të jetë. Një nga themeluesit kryesorë të BE-së ka thënë që jetojmë të gjithë në të njëjtin qiell, por jo të gjithë shohin të njëjtin horizont. Duhen falënderuar heronjtë tanë që dhanë jetën për lirinë e Shqipërinë. Por të shohësh sot luftën anti-fashiste, do habitesh se si këta të rinj lanë studimet jashtë dhe erdhën këtu duke nisur një rezistencë të jashtëzakonshme që na bën krenar, falë së cilës kemi ekzistencën e Shqipërisë, fitimin e lirinë dhe pavarësisë, por edhe kemi një Shqipëri anëtare të NATO-s dhe kandidate të BE-së”, tha Meta.
Rama thumbon Metën: Tani je i palës tjetër
