Një i dënuar me 22 vite burg në Shqipëri për një vrasje të ndodhur në vitin 1997, është ekstraduar nga Milano.
Arben Doda, 45 vjeç dhe lindur në Mirditë është dënuar për veprat penale “Vrasje me paramendim, të kryer në bashkëpunim” dhe “Armëmbajtje pa leje”, është personi i ekstraduar.
Si rezultat i bashkëpunimit të Interpol Tirana me Interpol Romën, u bë i mundur arrestimi i tij në Itali, (me pasaportë të falsifikuar) duke u duke u finalizuar me ekstradimin e tij drejt vendit tonë.
Ai ishte shpallur në kërkim pasi Gjykata e Rrethit Gjyqësor Mirditë, me vendimin nr. 53, datë 23. 10. 2000, e ka dënuar me 22 vjet burgim, për kryerjen e veprës penale të “Vrasje me paramendim , të kryer në bashkëpunim” dhe “Armëmbajtje pa leje” parashikuar nga nenet 78-25 dhe 278/2 të Kodit të Penal të Republikës së Shqipërisë.
Ngjarja për të cilën është dënuar 45-vjeçari ka ndodhur në datën 17. 08. 1997, rreth orës 16.00 në fshatin Shtrezë të rrethit Mirditë. Arben Doda, në bashkëpunim me një tjetër person, kanë vrarë me armë zjarri P. D.
FOTO & EMRI/ Vrau në vitin 1997, ekstradohet i dënuari me 22 vjet burg
