Janë sekuestruar 116 kg kanabis.
Ngjarja ka ndodhur ditën e djeshme në zonën e quajtur “Kepi i Palit”, në bregdetin e Durrësit.
Policia bën me dije se “në vijim të kontrolleve të ushtruara nga Shërbimet Bregdetare, në vendin e quajtur “Kepi i Palit”, në breg të detit janë gjetur dhe sekuestruar në cilësinë e provës materiale 74 pako të mbështjella me celefon të tejdukshëm me lëndë narkotike e dyshuar e llojit Cannabis Sattiva, me peshë 115 kg e 900 gr”.
Grupi hetimor vijon punën për zbulimin e origjinës së lëndës dhe zbardhjen e plotë të ngjarjes.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Trafikimi i lëndëve narkotike”.
Droni.al
Durrës, gjenden 116 kg drogë tek “Kepi i Palit”
