DETAJE & EMRA/ Durrës, vrasja te piceria, identifikohen protagonistët, zbardhen rrethanat

Pas krimit të ndodhur sonte në Durrës, mësohet se policia identifikoi dhe ndaloi tre autorët e dyshuar.
Sipas Policisë Vendore, mësohet se është identifikuar edhe viktima i cili është Agim Arapi rreth 60 vjel.
Ndërsa autorët e dyshuar, tashmë të arrestuar, janë vëllezërit Kujtim dhe Kostandin Ekonomi, si dhe Jurgen Kurti, dhëndri i Kujtimit.
Për sa i përket rrethanave, mësohet se midis të dyshuarve dhe viktimave ka pasur konflikt verbal dhe fizik, me mjete të forta e të ftohta, në picerinë e ngritur kohët e fundit dhe që administrohej nga viktima. Dyshohet se motivi i këtij konflikti ka pasur në qendër, një mosmarrëveshje për qiranë e ambientit.
Në përplasje e sipër fizike, të dyshuarit kanë qëlluar për vdekje me thikë 60-vjeçarin.
Pamjet filmike të aktiviteteve aty pranë, janë sekuestruar nga ana e Policisë.
DRONI.al