Roza Lati dhe Iva Aliko janë dy vajzat që prej gati 10 ditësh bëjnë propagandë në instagram për “kriminelin e kafshëve”, shtetasin Dritan Zabeli. Vajzat ishin të ftuara në emisionin “Oktapod” ku kanë treguar se cfarë u ka ndodhur nga ky pronar dyqani kafshësh. E përlotur Iva tregon për qenushen e saj Sisin, e cila ngordhi nga një virus vdekjeprurës. Dritani e kishte gënjyer për rracën e qenushes dhe i kishte marrë më tëpër sec duhej para, por c’është më e keqja, Sisi ishte e pavaksinuar dhe e kequshqyer. Pronari i dyqanit akuzohet nga vajzat se ka një dyqan pa kushte minimale te higjienës për kafshët dhe që i keqtrajton ato. Të dyja e kanë denoncuar dhe Zabeli i ka kërcënuar që të mos merreshin me të sepse do t’u hapte punë. Roza ka bërë publike dhe mesazhet kërcënuese që i kanë ardhur nga faqja zyrtare e dyqanit “Tani” në instagram me emrin dyqaniikafshëvetani.
DRONI.AL
