Lidhur me rastin e rënies së zjarrit në ashensorin e pallatit ku ka humbur jetën shtetasja D. D., Prokuroria pranë Gjykatës së Shkallës së Parë Tiranë ka administruar aktin e ekspertimit mjeko-ligjor për ekzaminimin e kufomës ku përcaktohet se shkaku i vdekjes së D. D., ka qenë asfiksia indore (vuajtja e qelizave për oksigjen) si rezultat i mbidozimit me monoksid karboni.
Gjithashtu është administruar edhe akti i ekspertimit të zjarrit nga drejtoria e MZSH ku përcaktohet se shkaku i rënies së zjarrit ka qenë djegia e droselit të ndriçimit duke djegur pjesën e tavanit. Njëkohësisht kjo lidhje e shkurtër ka shkaktuar nxehtësi dhe flakë në të gjithë rrjetin elektrik të linjës monofaze qe ushqen ndriçimin e kabinës së ashensorit dhe elektromotorit mbi kabinë që shërben për hapjen dhe mbylljen e portave. Eshët krijuar dhe vatra e dytë e cila ka qenë më e fuqishme dhe me intensitet më të lartë flakë dhe temperature. Kjo vatër me zhvillim të menjëhershëm, mendohet se ka dëmtuar hidraulikun e ashensorit duke krijuar rrjedhe vaji.
Nga këqyrja e vendit të ngjarjes arrihet në konkluzionin se zjarri është shkaktuar nga rënia në lidhje të shkurtër të droselit të ndriçimit të kabinës se ashensorit.
EKSPERTIZA/ Tiranë, zbardhet shkaku i djegies së ashensorit dhe vdekjes së një gruaje te “Fresku”
