Katër ministrat e rinj, Fatmir Xhafaj, Ogerta Manastirliu, Olta Xhaçka dhe Eduard Shalsi u betuan sot përpara Presidentit të Republikës, Bujar Nishani.
Në ceremoninë e betimit ishte i pranishëm zv/kryeministri Niko Peleshi, ndërsa u vu re mungesa e kreut të ekzekutivit Edi Rama.
Ministrat e rinj, u votuan ditën e djeshme në seancën parlamentare vetëm me votat e mazhorancës, pasi opozita prej më shumë se një muaj ka bojkotuar punimet e kuvendit.
Fatmir Xhafaj – Ministër i Punëve të Brendshme
Ogerta Manastirliu – Ministre e Shëndetësisë
Olta Xhaçka – Ministre e Ministrisë së Mirëqenies Sociale dhe Rinisë
Eduard Shalsi – Ministër i Pushtetit Vendor
Katër ministrat zëvendësuan, Saimir Tahirin, Ilir Beqajn, Blendi Klosin dhe Bledi Çuçin.
Katër ministrat e rinj betohen para Presidentit
