Byroja Kombëtare e Hetimit (BKH), me vendim gjykate, ka sekuestruar materiale në zyrat e financës dhe protokollit në Bashkinë e Tiranës, në kuadër të një hetimi që lidhet me një fraksion të dosjes “Veliaj”.
Sipas informacionit të bërë publik, veprimet hetimore lidhen me verifikimin e shpenzimeve dhe aktiviteteve të sponsorizuara ndër vite. Në këtë kuadër, po zhvillohen hetime ku përmenden edhe prokurorët Ols Dado dhe Altin Dumani.
Deri më tani nuk janë bërë publike detaje të tjera mbi materialet e sekuestruara apo objektin konkret të hetimit. Autoritetet pritet të japin më shumë informacion në vijim të veprimeve procedurale.a.b
