Pandeli Majko “i sinqertë” më shumë nga ç’duhet: Kush tha që PS nuk do ti blejë votat edhe me qeveri teknike?!

Pandeli Majko, duke u treguar “i sinqertë” më shumë nga ç’duhet, ka thënë një të vërtetë të frikshme.
“Kush na pengon neve të blejmë vota edhe nësa ka qeveri teknike”, është shprehur Majko sot.
Në një takim ku ai dhe Saimir Tahiri kanë zhvilluar me  qytetarët e Tiranës në zonën e Kombinatit, ka “interpretuar” kërkesën e opozitës për qeveri teknike, duke tentuar të ironizojë PD-në, për paralajmërimin se mazhoranca do të blejë vota.
“S’kemi ndërmend ta mbyllim veten në çadër dhe në zyrë, do takojmë ata që na e kanë dhënë pushtetin dhe vetëm ata mund të na e heqin pushtetin me votë në 18 qershor. Nëse duan qeveri teknike është tek komisioni i votave, atje është qeveria teknike e zgjedhjeve. Nëse dikush mendon se socialistët nuk do blekan vota nese vjen qeveria teknike, meqenëse lekët i kemi ne, pse s’do i harxhonim? Apo do na kursejë ai që do vijë në krye të qeverisë teknike? E ka gabim”, tha Majko.