Zbulohet identiteti i tre shqiptarëve të arrestuar nga policia italiane, në një ndjekje si në filma, gjatë të cilës u sekuestruan 800 kg marijuanë.
Mediat italiane raportojnë se në pranga u vunë Majron Kapllanaj, 31 vjeç, i cili drejtonte një automjet me 170 kilogramë marijuanë.
Policia iu vu pas dhe zbuloi se një shtëpi në ndërtim e sipër përdorej për magazinimin e drogës.
Në zonë u kapën dy shqiptarët e tjerë, Ali Pulomemoj dhe Ardit Abilaliaj, me detyrë ruajtjen e drogës që depozitohej aty.
Vila në ndërtim e sipër ishte vetëm pak metra larg detit, ndaj policia ka dyshime se lënda narkotike është futur në territorin italian me gomone.
Policia njofton se arrestoi aty edhe nje shtetas tjeter, Q. P. 45-vjec, qe rezultoi te ishte vellai i nje personi te lidhur ngushte me mafien.
Po ashtu është ndaluar edhe një 45-vjeçar italian, i cili është vëllai i kokës së një organizate kriminale në zonën e Gargano.
Ai tentoi të largohej, por u kap mat teksa u kthye të merrte makinën, duke mos e ditur se policia po e ruante.
