Një incident u shmang mbrëmë në çadrën para kryeministrisë kur një protestues tentoi t’i verë “flakën qeverisë”. Mënyra origjinale që gjeti dje PD-ja për të tërhequr vëmendjen ishte krijimi i disa ‘ministrave prej kartoni’ në madhësinë e lartësinë e një njeriu real.
Siç shihet në videon dhe foto, një protestues ka tentuar “t’i vendosë flakën” ministrit të Shëndetësisë, Ilir Beqaj brenda në çadër. Personi në foto derdhi një gjysmë bidoni me raki mbi ministrin dhe tentoi t’i verë flakën, raporton gsh.al.
Mjaft protestues të tjerë nxituan ta ndalojnë personin ta bëjë këtë veprim. Fatmirësisht, rakia nuk ndezi dhe nuk u arrit që qeveria “të digjet”…, të paktën, deri në zgjedhje.
VIDEO/ Protestuesi “lan” me raki dhe tenton “të djegë” Ilir Beqjan brenda në çadër
